Blackbeard (ပုလဲနက်) ကို မေ့သွားနိုင်ပါတယ်။ Captain Jack Sparrow (ကပ္ပတိန် ဂျက်စပဲရိုး) ကို မေ့သွားနိုင်ပါတယ်။ အအောင်မြင်ဆုံး တခြား ပင်လယ်ဓားပြတွေကိုတောင် မေ့သွားနိုင်ပါတယ်။

ဒါပေမယ့် အအောင်မြင်ဆုံးနဲ့ ကြောက်စရာအကောင်းဆုံး ပင်လယ်ဓားပြကိုတော့ သိနေသင့်ပါတယ်။ သူမက အသက် ၂၂ နှစ်နဲ့ အောင်လာတာဖြစ်ပြီး နာမည်ကတော့ Ching Shih (ချင်းရှီး) လို့ ခေါ်ပါတယ်။ တစ်ခါမှ မကြားဖူးရင်လည်း ပြဿနာ မရှိပါဘူး။Shih ဟာ ၁၇၈၅ ခုနှစ် တရုတ်နိုင်ငံ Canton (ကန်တွန်) မှာ ဆင်းရဲမွဲတေစွာ မွေးဖွားခဲ့ပြီး ရှင်သန်ရန် ပြည့်တန်ဆာ ဖြစ်လာခဲ့ပါတယ်။စင်ဒရဲလားရဲ့ တခြားဇာတ်လမ်းမှာ နာမည်ဆိုးဖြင့်ကျော်ကြားတဲ့ ပင်လယ်ဓားပြဗိုလ်ကြီး Zheng Yi (ကျန်းရိ) နဲ့ လက်ထပ်လိုက်တဲ့အခါ အားလုံး ပြောင်းလဲသွားခဲ့ပါတယ်။

Zheng Yi ဟာ ၁၈၀၇ ခုနှစ်တုန်းက ဆူနာမီကြောင့် အချိန်အခါမဟုတ် သေဆုံးပြီးနောက်မှာ သူရဲ့ရည်မှန်းချက်ကြီးတဲ့ ဇနီးသည်က သူ့ရဲ့ ပင်လယ်ဓားပြ ရာဇပလ္လင်မှာ ဆက်ခံနိုင်ခဲ့ပြီး လုပ်ငန်းတစ်ခုလုံးကို သူမကိုယ်တိုင် တာဝန်ယူခဲ့ပါတယ်။

Ching Shih က တာဝန်ယူပြီး မကြာမီ အလံနီနဲ့ ပင်လယ်ဓါးပြ သင်္ဘောကြီးဟာ သင်္ဘော 1,800 နှင့် ပင်လယ်ဓားပြ 80,000 တို့ရဲ့ အထွတ်အထိပ်မှာ တရုတ်ပင်လယ်ဓားပြ အဖွဲ့အစည်းတိုင်းကို ထိန်းချုပ်နိုင်ခဲ့ပါတယ်။

အမျိုးသမီး ကပ္ပတိန် တစ်ဦးအနေဖြင့် သူမဟာ ပင်လယ်ဓါးပြ ယောက်ျားခေါင်းဆောင်တစ်ဦးရဲ့ အကြောက်တရားထက် နှစ်ဆ ပိုကြောက်လန့်စရာကောင်းအောင် အုပ်ချုပ်ခဲ့ပါတယ်။

သူမရဲ့တင်းကျပ်တဲ့ ကုဒ်ကို ချိုးဖောက်သူ မည်သူမဆို သူတို့ရဲ့ ဦးခေါင်းကို ပုဆိန်နှင့်ခုတ်ဖြတ်ပြီး ခန္ဓာကိုယ်ကို သမုဒ္ဒရာထဲသို့ ပစ်ချလေ့ ရှိပါတယ်။

ဒီကိစ္စနဲ့ပတ်သက်ပြီး ဘယ်သူမှ မေးခွန်းမထုတ်ခဲ့ပေ။ Ching Shih ဟာ သူမ အမှုထမ်းများရဲ့ နှိပ်စက်ညှဉ်းပန်းမှု ခံရတဲ့ အမျိုးသမီး မရှိကြောင်းကိုလည်း သေချာ‌အောင် ပြုလုပ်ခဲ့ပါတယ်။

ပင်လယ်ဓားပြတစ်ဦးနှင့် လက်ထပ်လိုခြင်း မရှိပါက အမျိုးသမီး အကျဉ်းသားများအား အန္တရာယ်ကင်းစွာ လွှတ်ပေးရန် အမိန့်ပေးထားပြီး၊ အမျိုးသမီးက သဘောတူပါက ပင်လယ်ဓါးပြဟာ ဇနီးဖြစ်သူအား လေးစားစွာ ဆက်ဆံရမှာ ဖြစ်ပါတယ်။ ပင်လယ်ဓားပြမယားရဲ့တန်ဖိုးကို Ching Shih ထက် ပိုပြီး မည်သူမှ မသိကြပါဘူး။

Ching Shih ဟာ တရုတ်ကမ်းရိုးတန်းကို စီးနင်းမှုများနှင့် လုယက်မှုများကို ဦးဆောင်ကာ တိုက်ပွဲတွင် ဘယ်တော့မှ မရှုံးခဲ့ပါဘူး။ တရုတ်အစိုးရက သူမကို ရပ်တန့်ရန် လိုအပ်ကြောင်း ဆုံးဖြတ်ခဲ့ပြီး ပြင်းထန်တဲ့ စစ်ရေးအရ ဝင်ရောက်စွက်ဖက်ရန် အချိန်တန်ပြီလို့ သတ်မှတ်ခဲ့ပါတယ်။

အလံနီ သင်္ဘောကြီးကို ဗြိတိသျှနှင့် ဒတ်ခ်ျစစ်သင်္ဘောများ ပေါင်းစပ် ဖြုတ်ချကာ ချင်းရှီး (Ching Shih) ဟာ သူတို့အား ထိပ်တိုက် တွေ့ဆုံရန် ရွက်လွှင့်ထွက်ခဲ့ပြီး တပ်များကို အလွယ်တကူ အနိုင်ယူကာ ဧကရာဇ်သင်္ဘော ခြောက်ဆယ်ကို ယူဆောင်သွားခဲပါတယ်။

တရုတ်ရေတပ်ရဲ့ ရေတပ်ဗိုလ်ချုပ်ဟာ Ching Shih ရဲ့ဖမ်းဆီးမှုကို ရင်ဆိုင်ရမယ့်အစား ကိုယ့်ကိုယ်ကိုယ် သတ်သေခဲ့ပြီး သူမ လက်ထဲမှာ နှစ်နှစ်ဆက်တိုက်ရှုံးနိမ့်ခဲ့ပြီးနောက်တွင် တရုတ်အစိုးရဟာ ဆက်လက် တိုက်ခိုက်မည့်အစား ငြိမ်းချမ်းရေး စာချုပ်ကို ကမ်းလှမ်းရန် အခြားနည်းဗျူဟာ တစ်ခုကို ကြိုးစားဖို့ ဆုံးဖြတ်ခဲ့ပါတယ်။

Ching Shih ဟာ သဘောတူညီချက်တစ်ခု ညှိနှိုင်းရန် သူမရဲ့ မွေးရပ်မြို့ Canton ရဲ့အုပ်ချုပ်ရေးမှူးအိမ်တွင် ပေါ်လာခဲ့ပါတယ်။ အလံနီသင်္ဘောဟာ နောက်ဆုံးမှာ ဖျက်သိမ်းခဲ့ပြီး အပြန်တွင် သူမနဲ့ သူမရဲ့အဖွဲ့သားများအားလုံးကို လွတ်ငြိမ်း ချမ်းသာခွင့်ပေးကာ အပြစ်မရှိဘဲ အနားယူခွင့် ပြုခဲ့ပါတယ်။ နှစ်တွေကြာအောင် သူတို့ တိုက်ယူရခဲ့တဲ့ ပစ္စည်းတွေကိုလည်း အပိုင်ရခဲ့ပါတယ်။ အသက် ၆၉ နှစ်မှာတော့ သူမ ဆုံးသွားခဲ့ပါတယ်။

သူမဟာ အလွန်ချမ်းသာတဲ့ တော်ဝင်အမျိုးသမီး တစ်ဦးအဖြစ် ကွယ်လွန်သွား‌ပေမယ့်လည်း ဘယ်သူမှ လိုက်မမှီနိုင်တဲ့ ပင်လယ်ဓါးပြ ဘုရင်မ အဖြစ်တော့ ယနေ့တိုင် အသက်ရှင်နေပါသေးတယ်။